jæja...ég veit ekki hvort nokkur er að lesa þetta lengur því það er nú komið heilt ár síðan ég skrifaði hér síðast. Það hefur alveg ótrúlega margt gerst í mínu lífi síðan þá og þar ber helst að nefna að ég eignaðist stóra og yndislega fjölskyldu. Ég byrjaði með konu sem heitir Fríða og við erum núna trúlofuð. Hún á 3 börn. Þau heita Máney Alda, Birgitta Björt og Daníel. Við fluttum svo öll saman í nýja húsið okkar í Básahrauninu í júlí sl. Okkur hefur liðið alveg ótrúlega vel hérna. Það er svo helst að frétta núna að við eignuðumst "lítinn" strák á laugardaginn. Hann vó heilar 18 merkur og var 52 cm. Það segja allir að hann sé alveg eins og pabbi sinn Hann kom svo heim í gær og líður alveg ótrúlega vel heima hjá sér. En ég ætla nú ekki að hafa þetta lengra af því að ég er nú ekki viss um að nokkur lesi þetta lengur Ég læt þó fylgja nokkrar myndir með.

Ég vill byrja á að þakka öllum sem komu í bænastundina í kirkjuna áðan til að biðja fyrir henni Valgerði okkar. Þetta var virkilega falleg kvöldstund og ég veit að það á eftir að hjálpa henni mikið að heyra hvað hún á marga góða að.

En fyrir þá sem ekki vita þá lenti Valgerður Erla í bílslysi á laugardaginn og slasaðist illa. Hún gekkst undir mikla aðgerð og á enn eftir að fara í eina. Henni er núna haldið sofandi og verður eitthvað áfram þannig. Við fjölskyldan fórum og hittum hana á sunnudaginn og það er rosalega erfitt að sjá einhvern sem manni þykir svona rosalega vænt um í þessu ástandi. En við verðum að vera sterk á svona stundu og standa þétt við bakið á henni til að hjálpa henni í gegnum þetta. Og við sem þekkjum hana vel vitum að hún á eftir að vera gríðarlega sterk og komast í gegnum þetta. Enda með rosalega marga góða að sem styðja hana heilshugar.

Ég vill bara biðja ykkur að hafa hana í bænum ykkar því ég á eftir að gera það á hverjum degi.

Láttu þér nú batna Valgerður mín;*

Guðni...

ps...ég ætla að setja hérna inn link á síðu þar sem allir geta kveikt á kerti fyrir Valgerði

http://www.gratefulness.org/candles/candles.cfm?l=eng&gi=Vala

Ég er ekki að trúa því að ég sé að fara að taka 2 edrú helgar í röð...það er orðið laaaanngt síðan það gerðist síðast. En maður verður að taka því þegjandi...

Það er nú ekki frá miklu að segja...það er byrjuð vertíð á sjónum þannig að allur tíminn hjá mér fer í að vera á sjó eða heima að hvíla mig. En þetta er þess virði eftirá...

ég verð að segja að mig langar ekkert lítið að byrja aftur á fullu í fótboltanum. Strákarinir eru alltaf að keppa og ég sit bara heima eða útá sjó...það er ekkert rosalega gaman. Mig langar að vera með og leggja mitt af mörkum eeeen svona er þessi vinna mín...get byrjað á fullu í apríl og þá ætla ég mér að komast í klikkað form og ætla að reyna að gera eitthvað af viti í sumar í boltanum....

jæja...vonum nú að það komi allt í einu risalægð upp að landinu svo greyið hann ég geti nú djammað eitthvað um helgina!!

Junzinn

hehe...þetta er nokkuð góð spurning

hvað er málið með að vera latur?? af hverju gerir maður sér þetta?

Ég er búinn að reyna að rífa mig upp af rassgatinu í allan dag og hunskast uppí íþróttahús að reyna að hreyfa mig eitthvað en ótrúlegt en satt þá finn ég mér alltaf eitthvað á netinu að gera...bara til að fresta því að fara!! ég þoli ekki svona leti...

En ég er að spá í að taka rólega helgi og jafnvel frekar mikið rólegan mánuð bara drykkjulega séð...það er byrjuð vertíð á sjónum þannig að maður nennir bara ekki að vera alltaf eitthvað sjóveikur og slappur í mok fiskeríi...það kemur nú í ljós hvað það endist hjá mér

Ég get nú samt ekki sagt að ég hafi verið alveg latur í allan dag því áðan tók ég upp á því að þrífa alla íbúðina!! Og það er ekkert smá sem manni líður vel eftir það

Ég er nú svona ennþá að gera upp við mig hvort maður eigi að kíkja á ráðhúskaffi í kvöld...það er nefnilega skemmtikvöld hjá sjálfstæðis....gæti verið að maður fari og slafri í sig einum öllara...lemur allt í kjós

EN hvernig væri að hætta þessu og fara að rífa sig upp og hreifa sig????

later

Júnsi lati

ÞORRABLÓT!!!!!

jámm...það er alveg skelfilega lítið að gerast hjá mér undanfarið....við strákarnir erum bara alltaf að hanga hérna heima þegar við erum ekki á sjónum. Svo koma nú að sjálfsögðu eitt og eitt djamm inní þetta og svona. Við fórum til dæmis á selfoss á föstudaginn og það var mjög fínt...ég og hemmi munum samt ekki alveg hvernig við fórum heim þannig að ég auglýsi hér með eftir vitnum að því svo fóru strákarnir í bæinn á laugardaginn og tóku hótel og eitthvað vesen og ég er ekki frá því að mig hafi langað svolítið með þeim...en maður verður að sinna vinnunni líka Svo erum við bara búnir að vera að horfa á strákana okkar í handboltanum og ég er ekki frá því að ég sé alveg að verða naglalaus eftir þetta mót og það á eftir að verða meira...þeir eru að fara að spila við danmörku í kvöld og ég held að við eigum eftir að missa okkur alveg yfir þessum leik hérna á Egilsbrautinni!! áfram ísland!!!

Svo verður maður nú að nefna það að þorrablótið er næstu helgi og vá maður hvað verður djammað þar...það verður sama þema og undanfarin blót...verða sjálfum sér og fjölskyldu til skammar...það er alveg möst á svona blótum hehe....

Ég veit ekki hvað ég á að segja meira...

ömm...

nei....

ekki að koma...

Juniorinn...mættur aftur

Jæja ég veit ekki hvað kom yfir mig því ég er sestur fyrir framan tölvuna og er farinn að blogga á ný...Ég veit nú samt ekkert hvað ég á að blogga um en ég skal reyna að gera eitthvað skemmtilegt...

Ég er semsagt kominn heim af þjóðhátíðinni góðu og það kemur engum á óvart að þetta var ekkert smá skemmtileg þjóðhátíð eins og venjulega, en þetta eru nú allt gamlar fréttir og ég nenni nú ekki að blaðra um það núna...En ég er nú búinn að vera slatta á djamminu síðan þá og ber þá að nefna reiðhallarball sem ég reyndar verð að segja að ég man ekki einu sinni eftir því að hafa farið héðan að heiman þannig að það verður að segjast að það var mikil peningasóun...en það er nauðsynlegt að taka nokkur svoleiðis á ári...svo fórum við nokkrir strákar í Reykjavíkina um síðustu helgi og ákváðum meira að segja að taka okkur hótelherbergi og ég verð að segja að það var virkilega gaman hjá okkur þá...við erum að tala um að ég fór ekki að sofa fyrr en ellefu morguninn eftir og ég verð að segja að það er smá þjóðhátíðarfílingu í því

Við vorum svo að breyta allri stofunni hjá okkur í síðustu viku og ég er virkilega ánægður með breytinguna...ástæðan fyrir breytingunni er sú að ég ákvað einn daginn að kaupa 40" LCD sjónvarp og svo keyptum við þvílíkt flottan sjónvarpsskáp líka þannig að við ákváðum að breyta stofunni og gera hana þvílíkt flotta og ég er mjög ánægður með útkomuna en það er reyndar ekki alveg búið...kemur smáum saman.

Jæja ég ætla að fara að undirbúa mig fyrir ÆFINGU núna...við erum að tala um að ég hef ekki mætt á æfingar í einhverja 3 mánuði og ég veit ekki hvort ég lifi þetta af...en ég er farinn núna

-Junsinn kveður að sinni-

jæja...þá er komið að því að þjóðhátíðin er að ganga í garð!!! shit er ég farinn að hlakka til að vera hauga drukkinn í 4 daga...hversu gott er það??? það verður ekki látið renna af sér alla helgina!! Ég og Valgerður ætlum nú að kíkja til eyjanna á morgun og vera eina nótt í rólegheitum og það er svosem ágætt að vera ekki í allri ösinni með töskurnar og svona...en maður fer nú niður á bryggju að taka á móti strákunum og fer með þeim á gistiheimilið svo manni verði nú ekki kastað út í horn eða eitthvað..reyna að ná góðu rúmi

En vá hvað er heitt úti núna!!! ég skrapp í golf áðan og ég var bara á stuttbuxum og bol og ég var ekkert smá sveittur af því að labba smá og sveifla kylfu....svona á sumarið að vera!! ekki einhver helvítis rigning alltaf hreint!!

Ég vona nú að spárnar fyrir helgina gangi nú ekki eftir því það er verið að spá því að það verði bara rigning En það skiptir nú kannski ekki öllu máli því maður verður svo drukkinn að maður skemmtir sér í öllum veðrum...hver man ekki þjóðhátíðina 2002...fárviðri alla þjóðhátíðina en það er án efa mesta skemmtun sem ég hef á ævinni tekið þátt í...og ég held að þeir sem hafi verið þar taki alveg undir það með mér!!

jæja vinir minir...nu er kellinn bara i køben ad drekka øl i litra tali...va erum vid ad grinast hvad er gaman hja okkur valgerdi herna...vid erum buin ad djamma med islendingum herna og alles...heyrumst eftir nokkra daga...djammid varlega!!!!

jæja...vá hvað er langt síðan ég hef sett eitthvað hérna inn..maður er ekki að nenna þessu á sumrin, en það er best að setja eitthvað smá hérna. Ég er búinn að vera svo þvílíkt duglegur í dag...ég vaknaði snemma og fór beint til mömmu og pabba og notaði skúrinn þeirra til að bóna bílinn!! það gerist nú ekki oft hjá mér En það er þvílíkt gaman eftirá því bíllinn verður helmingi flottari...magnað að maður skuli ekki gera þetta oftar!! Svo er maður bara búinn að hanga inni að horfa á HM þegar maður er ekki á sjónum...nema í gær, þá fórum við Valgerður í bæinn að heimsækja litla frænda minn...Kristján bróðir og Sigrún voru nefnilega að eignast strák í fyrradag...þetta verður þvílíkur snillingur í fótbolta því ég á eftir að taka hann í strangar æfingar um leið og hann byrjar að labba hehe ég er nú ekkert viss um að Kristján antisportisti verði nú sáttur við það

Svo erum við búnir að vera að keppa helling í boltanum...vorum að tapa okkar fyrsta leik í fyrradag á móti Gróttu 5-2, það voru alveg hræðileg úrslit því við vorum 1-0 yfir í hálfleik og fengum á okkur 3 mörk á fyrstu 10 mínútunum í seinni hálfleik! það er hrikalegt...en við erum samt búnir að standa okkur vel í sumar því við vorum taplausir eftir fyrstu fjóra leikina...Nú er bara að standa sig vel áfram og halda þessu út allt sumarið svona einu sinni

Svo erum við Valgerður á leiðinni til Köben eftir 4 vikur yfir eina helgi...maður er nú orðinn vel spenntur yfir því...þetta var svona skyndiákvörðun hjá okkur, við ákvaðum þetta bara fyrir nokkrum dögum og pöntuðum ferðina bara strax Mér er samt strax orðið illt í veskinu því það er nú ekkert grín að fara með kvennmann á svona verslunargötu eins og strikið veit nú ekki hvernig fjármálin verða hjá manni eftir þetta hehe

En ég er hættur núna og farinn að búa mig undir næsta leik á HM

-Juniorinn-

jæja...ég lifi svo hrikalega áhugalausu lífi þessa dagana að maður hefur gersamlega ekkert að skifa um hérna þannig að þið verðið bara að fyrirgefa mér það að lítið sé skrifað. Það er kannski helst að frétta af mér að við vorum að keppa útí eyjum í gær og það endaði mjög illa og við töpuðum leiknum 5-0...við vorum virkilega lélegir og áttum svosem ekki mikið skilið úr þessum leik, en þetta eru kannski full stórar tölur því þeir fengu svolítið ódýr mörk hjá okkur en áttu kannski ekkert svo mörg færi í leiknum miðað við okkur. En þeir voru samt bara töluvert betri en við...svona er nú fótboltinn...við vinnum bara næsta leik, ekki spurning það!!

En svo var ég nú að þræta við hann bróðir minn á sjónum um daginn...hann var að segja að Þjóðhátíð væri ekkert annað en rugl og peningaeyðsla en ég var að reyna að segja honum að þetta sé mesta skemmtun ársins og maður bíður spenntur eftir henni allt árið í kring!! En svona bara til að sýna honum hvernig þetta er...Hvað finnst ykkur um þjóðhátíðina????

Ég veit nú ekki hvað ég á að segja hérna...það er alveg rosalega lítið að gera hjá mér þessa dagana. Ég er búinn að vera mjög mikið á sjónum undanfarið og þegar ég fæ frí þá fer ég uppí hús að lyfta og geri svo ekkert það sem eftir er dags nema horfa á sjónvarpið og liggja í leti...það er nú reyndar ágætt öðru hverju en maður verður leiður á því ef maður fær of mikið af því...

Það eina sem er að frétta af mér núna er að við í Ægi vorum að spila við Árborg á Laugardaginn og við unnum þá 3-1...og haldiði ekki að kallinn hafi bara skorað öll mörkin okkar...reyndar 2 úr vítum en það er sama, ég er ekkert smá sáttur við mig því ég er ekkert búinn að æfa síðan fyrir áramót. Ég spilaði meira að segja allan leikinn og var í miklu betra formi en ég hélt ég væri. En ég er nú aðeins byrjaður aftur að æfa og mætti á æfingu í gær og allt...En ég hef bara því miður ekkert meira að segja núna...

-Juniorinn-

jæja nú er kallinn búinn að vera veikur heima í 3 daga og ég er ekki að fýla það...ég er búinn að vera með háan hita og hálsbólgu og læti...þetta er án efa það leiðinlegasta sem til er...maður getur ekkert gert nema að hanga uppí rúmi og glápa á sjónvarpið og ofan á allt er ég búinn að eiga í miklum vandræðum með svefn...svona er maður mikill aumingi!!

En ég náði nú ágætis djömmum fyrir veikindin...við fórum á laugardagskvöldið á ball í ingólfshvoli og það var svona ágætt...var nú ekkert yfir mig hrifinn!! ég var helvíti pirraður á bjórunum sem þeir voru að selja þarna því þeir voru með litla Carlsberg bjóra sem kostuðu jafn mikið og venjulegur bjór á bar!! hvað er málið með það?? og skotin hjá þeim voru víst mæld með dropateljara...en ég er nú ekki mikill ballakall þannig að ég skemmti mér nú betur á sunnudagskvöldið en þá náði Svanur að plata mig í bæinn með sér á djammið...það var bara fínt...mjög rólegt og gott...svo gistum við bara í bænum og komum beint heim í golf daginn eftir en svo strax eftir golfið þá bara tók ég upp á því að veikjast ég er nú samt búinn að hafa þjóninn minn(Valgerði)  hérna hjá mér í öllum veikindunum sem hefur nú gert þau mun bærilegri..en ég er farinn að reyna að borða eitthvað...

-Juniorinn-

jæja, við erum að tala um að við strákarnir erum að fara að drekka í kvöld..á þriðjudagskvöldi!! hversu mikil snilld er það...en þetta verður nú samt bara rólegt kvöld hjá okkur, bara spila eða eitthvað...kemur í ljós bara...

En við fórum í bæinn áðan, Svanur var að ná í bílinn sinn og Tröllið var að kaupa sér síma...en við komum við í BT og það munaði sko ENGU að ég hefði keypt mér 300 þúsund króna sjónvarp...díses hvað er málið með mann...við erum að tala um að ég var kominn með aðra höndina á það!!! en svo tímdi ég því bara ekki Þetta var sko 50 tommu Sony LCD sjónvarp....þetta er geggjað tæki en þetta er bara svo mikill peningur!! ég ákvað að spara hann frekar og nota það í eitthvað sem mig vantar held það sé gáfulegra...

Svo er maður bara kominn í 9 daga frí á sjónum og ég er ekki frá því að það sé alveg drullu þægilegt að vera svona í öruggu fríi og vita að maður getur sofið út næstu dagana...og fengið sér bjór á hverju kvöldi!!! snilld snilld snilld...en ég er farinn í bjórinn núna

-Juniorinn-